Es sich doch nöd Regeziiet!!!!

Hey liebi Imi'Blog Leser

Es sich Hochsummer do in Teresina. s'Thermometer stiegt i de Stadt bis zu 50°C, do ufem Sitio hend mir mol 42°C chöne ablese allerdings im Schatte. Wies so isch meh gwöhnt sich jo a die Temperature, letschdi isch amene Obet 25° gsie und i seg eu eis; "Das isch wie 0°C i de Schwitz Pulover, langi Hose und am liebste no Chappe.

Momentan Regnets wie i de Regeziit und sogar die Ihheimische findes sehr komisch. Es isch immer s'gliche, zerst ghöhrt mer de Wind dur Palmene dure sause, denn Stürmts und gliedrüber abe pissts was cha. Also nöd nu äs bitzli sondern so Richtig. Was chunt nochher? ....... grad jetzt ........ de Stromusfall....


....1h....


....2h....

Wie lang das das amigs got weiss niemert so gnau. Wenn mer de Stromer ahlütet isches psetzt oder sie seged: Jo mir sind dra, ihr sind nöd die einzige ;-) Warum mir immer wieder Stromusfall hend weiss keine so gnau. Vor paar Täg hend mir au kei Strom gha, einigi Ziit spöter isch er wieder choo. Aber ganz Komsich,..... Jetzt hend die Lüüt vom EW zviel Strom uf ei Fase tue und es het üssi Wasserpumpi verbrötlet. hmmm Zum Glück nöd die Fase wo alli Elektrische Grät dra henged.
Gott sei Dank isch de Andreas glernte Elektroniker und het die Pumpi wieder zum laufe brocht. Leider stellt sie all 5min ab und somit gots ä Ehwigkeit bis de Tank voll isch. Und öppe zwei Ehwigkeite bis de Pool voll isch.

Wenn mir grad schomol bim Thema kaputt sind. Es het letschd Wuche grad au no d'Wäschmaschine glupft. Somit mit wird jetzt vo Hand gwäsche. Ich find das nöd so cool ;-)
I hoff mir chönd die letschde Wuchene do no gnüsse und mönd üs nöd um so Ziitfrässendi Sache kümmere.

Gueti Ziet und bis bald


liebi grüäss

euen Blogger Imi