Wow was für ä Ehr, i find no Ziit zum dich ufem laufende halte. I genau 1 Tag startets zweite Adonia Brasil Camp. Es werdet ca. 50 Teilnehmer, 5-köpfige Band und äs Team vo ca, 15 Persone erwartet. Es wird wieder äs sehr spanneds Camp, well das mol gots Adonia Brasil uf Turnee. Ab em nöchste Dunnstig fahrt än Bus dur die Region und wird Adonia i de nöchste Ortschafte bekannt mache und uffüäre.
S'Team isch scho bald komplett und bestoht us: Familie Häberli CH-Missionars-Familie, sie sind Gründer vo Adonia Brasil, Familie Pereira Indischi-Portugisischi-Braselianischi-Missionars-Familie, Familie Silva Pastor-Familie und Hauptleiter vom Camp, äs Mexikanisches Ehepäärli (sie möchtet in 1.5 Joore mit Adonia Mexiko starte ;-), zwei us São Paulo, d' Luamar (Lulu) CH-Braselianischi-Chorleiterin, ä Musik Studentin us Portugal und ich.
Das Camp stratet Morn und got bis zum nöchste Sunntig. Am Mäntig druf fahred mir ca. 50km i die ander Richtig und startet dete mit em dritte Adonia Musical Camp. Es wird äs Kids-Camp geh und s'erste mol überhaupt i de Gschicht vo Adonia wirds äs Camp geh mit hauptsächlich Chinde us ännere Favela (Armeviertel). Bis jetzt hend sich ca. 60 Kids ahgmolde und alli rechnet mit 80 Chinde. Mit dene Kids wirds zwei Uftritt geh und eis wird ufemene öffentliche Platz sie. Krass Adonia got voll ab de Summer. Also i freu mich mega druf.
Noch dene zwei Wuchene heisst denn für mich Videoschniede und Videoschniede und Videoschniede.
Ich und s'ganze Team freued sich uf die zwei mega coole Wuchene.
Bet bitte mit üs für die Ziit.
Liebi grüäss und bis bald
euen blogger Imi
Keine Kommentare:
Kommentar veröffentlichen