Willkomme zum mim Nöchste Ihtrag
Das mol hesch du möglichkeit, zum än Blogg lese. Das ganze isch a eim Obet entstande. I han die beste Bilder is Video tue.
Mitte März isch d'Sara Begue mit ihrne zwei Chind, Chillien 6 und Elischa 5 bi üs ahhoch. Leider sind ihri 4 Wuche Ferie scho wieder verbi. So hend mir mol ämmene Obet zerst öppe 1h Uno gspielt und nocher no öppe 2.5h Ligretto. Sie het ihres Zimmer grad nebet mim gha. Ihrgend wenn so churz vorem 5i isch denn jede i sis Zimmer gange. Plötzlich ghöhr ich was Quitsche und Knackse. So rüäf ich zu de Sara übere und frog was los isch. Allerdings isch die glich Antwort zrugg choo. Okey denn isches nöd so schlimm. I gang is Badzimmer lueg ihrgend wie ad Decki und was gsehn isch dete. Es het mir grad Sprochverschlage. I rüäf de Sara und seg sie söll mit em Fotiapperat choo. Sie lauft i mis Badzimmer und luegt au ad Decki. Do häts ä riese, riese, riese riese Schlange. Als mir gnauer ane lueget, merket mir, dass es nöd nume ei Schlange isch sondern sie het no ä Beuti gfange. Huustierli vom Hüsli het sie verwütschd. Jetzt wüsset mir au wo das Quitsche und Knacke her choo isch. Was machet mir jetzt mit dere Schlange. Isch sie Giftig? Isch sie Bös? Wie bringet mir die abe? Was söllet mir jetzt mache? Wenn die zue de Kids übere got? ..... die Frogene und no einige meh sind usgsproche Worde. Und uf eimol bewegt sich das reise lange Fich mit em Muul richtig Gsicht vo de Schlange. Wennt nöd weisch wie das usgseht denn lueg jetzt de Clip. I mues sege es isch recht grusig und chan au verstoh, wennt eifach unte wieterlesisch.
Als denn die Schlange fertig gsie isch mit ihrem feine Brote het sie sich uf de Weg gmacht. ;-) Mir sind ihre gfolgt und unter desse het Sara au de Andreas gholt. Er isch de Ober-Schlange-Fänger und het scho sehr viel Erfahrig i dem. Als er denn im Hüüsli isch und sich das Pracht-Fich ahglueget het lauft er wiede de vo und möcht sini Schlange Falle hole. Aber leider isch sie weg und er baut ä neui. I dere Ziit isch aber d'Schlange ufe zwüsche Muur ufegocket und leider leider hend mir sie nümme gseh. So sind mir beid i i'd Zimmer gage. Ihgschlofe, aber eher mit eim Aug uf die Muur grichtet.
Am nöchste Tag hend mir das denn am Carlos (Casairo) gseit. Er het ä zitli as Jäger gschaffet und het im Bereicht Schlangene sehr viel erfahrig. Schnell dekt er s'Dach ab und finded das Fich. Er packt sie und zeigt sie üs ganz Stolz. Jetzt chönt mir beruhigt sie, es isch kei Giftigi sondern numme ä Jiboja. Unterdesse hend mit au mol öppe d'längi gmesse und sie isch ca. 160cm lang.
Jetzt chan ich wieder in Ruhä schlofe.
Do no ä Sammlig vo de beste Sprüch:
Joser: Die isch sicher scho fast ihres ganze lebe lang im Hüüsli
Carlos: Am beste tüänd mir sie wieder is Hüüsli, well denn tuet sie die andere Müüs au no fange und ruhm so uf.
Eva: lieber isch sie i dim Zimmer als i mim
Luca: Sie isch nöd schön, aber defür het sie än schöne Schwanz
Chillien: Warum hend ihr mich nöd gweckt, i het sie grad mit is Bett gno.
So sind no einig Ussage gfalle. I bin froh, wenn das ding nümm ufem Gländ bin.
I han mi gfreut, dass du so regelmässig min Blogg lesisch und wünsch dir ä gueti Ziit bis bald
Liebi grüäss Imi
Keine Kommentare:
Kommentar veröffentlichen