Es sind schoo wieder guet zwei Wuche vergange und mir gots guet. Grad die Wuche bini gfrogt worde öp ich würklich ä Hammer wuche gah han. Well i mim Skype Ihtrag stoht das schoo sit guet 6 Wuche. Joo i han würklich ä Hammer Wucher törfe erlebe. Einiges törf ich eu jetzt berichte.
Adonia Musical Camp Januar 2011 Rückblick Clip //
Lembranças do Adonia Musical Camp Janeiro 2011
Adonia Rückblick-Clip isch entlich vertig. Luegen dir ah und loh dich mit inne Züche is erste Adona Brasil Musical Camp. Notürlich isches öpis anders, wenn mer nöd de bii gsie isch. Es sött dir eifach än churze ihblick geh das wo mir erlebt hen. Noch dem ich de Clip vertig gha han, hets mit ufelade is Netz nöd ganz klappt. Bim erste Versuech hets schoo bi 8% abbroche und bim 4 versuech bi öppe 90%. Bim letschde Versuech nummer 6 hets denn entlich klappt. Aber das isch jetzt alles egal well du wotsch de Clip luege viel Spass. Film Ab.
Dach
Wie im letschde Blogg gschriebe hets Dach dureloh. Soo hend Caseiros (Huusahgstellti) s'Dach glickt und jetzt isch alles wieder Dicht. Zum Glück hend mir die zwei. Es isch än Vater mit sim Sohn und das sind zwei sehr sehr gueti Mensche. Was gits süsch noo
Vorem Adonia hani soo krassi Zahschmerze gha und ich han mösse zum Zahnartzt. De Andreas het mir denn noo soo schmerz Taplette geh. Mit dene hanis denn usghalte. Also bim Zahnartzt het er glueget und isch sich nöd ganz sicher gsie was es chönt sie. Er het denn Gröönget und ahgfange schaffe. I bin mir gwöhnt, dass mer soo nää hässlichi Sprütze bechunt und denn gspüürt mer zwei Tag nüüt meh und me bisst sich all pod id Bagge. Er het denn nume gseit, dass brüchts nöd. Wenns weh tut söllis eifach sege. Doo sind mir wieder mol bim Thema, rede bim Zahnartzt. Es got eifach nöd, well s'Muul isch voll mit Material womer glaub zum Ölborre brucht. Also i weiss au nöd was die Zahnätzt immer suechet, aber Öl und Gold het noo keine gfunde oder grad ihgsuegt, dass de Pazient nöd merkt ;-) Noch einiger Ziit isch de Zah gflickt und das ohni Sprütze und es het au nöd weh tue. De Zahnartzt het denn noo gfroget öp er alles au noo törf kontroliere. Sicher sicher er het joo eh schoo alles gse. Bi de Kasse han nume denk, jetzt bini gspannt was das chostet. Also zwei Rööngebilder het er mir gschenkt und es het mich alles zäme ca. 250 Reals (ca. 170 sFR) kostet. Mues sege das het sich glohnt. Soo lohni die restliche Zäh au noo flicke. Also wenn du günstig dini Zäh möchtich mache loh, denn chum vorbii.Frust und Freud
Häberlis testet do soo einiges was im Bereich "Hilf zur Selbsthilf" guet isch. Soo hend mir, wie scho mol erwähnt äs Hüäner Gheg. Momentan hets öppe 25 Hühner und drüü Güggel drinn. Jede Morge schreiet die Güggel, jede zu sim Ziitgfühl ;-). Eine Güggel isch noo ganz jung und de übt und übt zu ganz komische Ziite. Das wär aber nöd soo schlimm. Durch ihrgend welchi bösi Ficher sind paar Eier verschwunde, öppe 8 Stuck. Au de Mais isch dur ihrgend welchi Ungeziefer ufgfresse worde. De Hammer isch, dass Diebe üsen Fischteich usgraubt hend. Man sonen sch...... Defür het ei Huhn die Wucher 8 Bibeli gworfe. Immerhin öpis schöns. De Andreas het nume gseit; "und genau das erlebet Braselianer"
Guetii Ziit und bis bald
imi
Keine Kommentare:
Kommentar veröffentlichen