Adonia, Filmnacht, Da blöde Fich, Pool, Aserola, Sand-Dreck-Burg baue,

Hello Hello

Also i mus sege i bin begeistert voo dir. Man das haut mich fast um. A soo vielne Orte wird min Blog Glese. I fühl mi sehr gehhrt. Unterandem isch min Blogg i de Länder wie; Schwiiz, Dütschland, Brasilie, USA, Canada, Ägypte, Rumänie, Sloveniä und Thailand glese worde. So krass. I han gar nöd gwüsst, das i soo viel Mensche kenn. Es freut mich mega. Das motiviert mich so sehr, dass ich grad wiiter schrieb.

Adonia
Die ganze Vorbereitige sind voll im Gange. Es isch mega intressant zum zue Luge und mithelfe wies lauft. S'Camp fangt gnau, i 4 Täg ah. Bis jetzt hend mir leider nonig soo viel ahmeldige wies plannt isch. Aber mir sind doo sehr zueversichtlich und glaubet au dass doo noo Paar Ahmeldige ine chömed. Momentan helfi am Andreas mit Prospekt falte und Lieder-CD brenne. Vorletschde Sunntig sind mir bi üs i Gmeind gange. I han vom Andreas äs Mäppli mit Adonia sachene bechoo. Soo hend sich einigi Lüüt ahgmolde und i has mega wizig gfunde. Notürlich isch doo sproch Bariere gross gsie. Dank de Eva het sie noo paar Lüüt chöne fürs Camp gwünne. Am Sunntig het au Corinne noo Geburtstag gha. Wies soo isch hend Häberlis paar Lüüt ihglade und soo hend mir am Nomitag äs chlises Fästli gha. Än ältere Herr isch au choo, er isch voo Gäst mitbrocht worde. Er druck 10 Ahmeldige und s'Geld defür am Andreas id Händ. Er isch än Pastor vonnere grössere Gmeind doo in Teresina. So git er üs sin Saal fürs letschde Konzert. Wow das isch doch eifach krass. De Sunntig sind mir wieder i üsi Gmeind gange. Notürlich im Adonia-Shirt. Es hend sich nomel paar ahgmolde und leider hend au paar abgseit. Uf jede fall gots bald loos und mir freuet üs druf. Es wär mega lieb vo dir, wenn für das chöntisch bete. Well es git noo einiges woo unsicher sind und mir voll uf Gott vertraue mönd. Doo paar Gebetsahstöss; das sich noo einigi Kids/Teens chönd ahmelde, das Gott no äs finanziells Wunder macht, Technik, und das es genials Camp wird, ä guets Team, Konzertrühmlichkeite und was dir süsch noo in Sinn chunt. Wennt ihrgend wie än Ihdruck bechunsch denn lo üs das wüsse.
Danke dir jetzt schoo defür.

Filmnacht
Jede Friitg isch doo bi Häberlis Filmnacht. Soo törf jedes Kind mol wähle mit paar Bedingige. Corinne und ich hend denn de Ahtrag gstellt, dass mir au törfet wähle. Well mir ghöret joo au zur Familie ;-) Soo han ich letschde mol de Film "ab durch die Hecke" gwählt und bi de Corinne stoht de Film "die Schokoladenfabrik" ufem de Wunschliste. Sonnen Film obet gseht folgender mase us, zerst gits Fingerfood, denn lueget mir ä Folg vo "Die kleine Farm" (das passt mega guet, well Häberlis hend joo au soo was wie ä Fram nume viel cooler) und denn werdet Wünsch erfüllt. Gester hend mir "die Götter müssen verrückt sein Teil I +II" glueget. Also das lohnt sich sehr. Bis jetzt hani glück gha, fast alli Film sind uf dütsch gsie. I weiss aber, dass mir bald mit Portugisischi Film wiitermachet. Ihrgend wie frue mi druf, wells es isch eini vo de beste Methodene zum ä Sproch lerne.

Da Blöde Fich
letschi het mich im Pool öpis in Chopf gstoche. Als ich das Fich mit de Hand weggno han, isches ä Spinne gsie. Also i hoff das mol. Us luter wuet hani das Ding grad ersäuft. Sie het mich öppe am 11 gstoche und zobet am 11 hets immer noo weh tue. Soo als wür äs Wäspi steche numme viel länger. De Andreas het denn gseit, es chönt au äs Wäspie sie, well das seg soo typisch für die Flügendeobijekt doo. Aber i find ä Spinne tönt krasser und darum bini überzüügt, dass das die 8-Beinige Fich gsie isch. Jenu has überlebt und soo erfarige macht mer eifach mol. Es wär joo langwiilig, wenn nie was wür passiere.

Pool
S'Piscina (Pool) wird sehr oft Greinigt und Putz. So hend mir letschdi mol möse Wasser uffülle. Wenn mers Piscina butzt, brucht mer sonen Wassersuger und soo Pumpt mer chli Wasser ab, aber i glaub nöd würklich das das soo viel gsie isch. I glaub eher es het soo viel Wasser gfählt, well de Dan und ich voll Krass Umeblödelet hend. Er het denn welle Wüsse wie hoch i chan Sprütze mit ännere Ar...-Bombe und denn hani noo türlich vollgas geh. Zudem hend mir ä Abwurf-Sprung-Technik entwicklet und soo flüügt er sehr hoch. Was ich aber mega krass find, isch de Luci. Ihn chan mer quer übers Piscina werfe und egal wie er landet, lacht er und möcht nomel. ;-)

Aserola
I weiss gar nöd wien ioch die söll beschriebe. Sie gsehnd us wie Chriesi, sind ganz rot und schmöchet ..... ihrgend wie Süässlich. Me chas baare Esse, aber sind nöd soo guet find ich. Mir hend öppe 4 Baum uf de Sitio und die sind jetzt überfüllt. So hend mir letschdi än Sammel Morge gamacht. Mir hend soooooooo viel gsammlet und Suco (Saft) drus gamacht. So Frisch direkt usem Huuseigene Mixer, wow eifach Herrlich.

Sand-Dreck-Burg baue.
So hend doch letschdi doch mol Kids d'Idee gha, zum ä Sand-Dreck Burg baue. Corinne het den Chräftig mitgolfe und siehe daa wow innert churzer Ziit stond doo zwei Burgene. Mir nemet eifach de Dreck woos doo het und meistens isch er noo mit Sand gmischt und soo gits ä Hammer mischig woo genial zum baue isch. Bis jetzt hani nonig mitgolfe, eifach die Kunstwerk vo obe bis une ahglueget. Kids hends mir voller Stolz zeigt gha. Aber denn hets mich packt und voll Motiviert hani denn än riese Berg gmacht. Festklopf und mit em Dan zäme ä mega Cooli Burg baue. Soo cool dreckele und öpis cools baue. I de Nacht hets denn leider drii gregnet. Soo sind mir denn am morge ufgstande und hend voller Motivation die Burg abgriesse und no ä viel grösseri anegstellt ;-) wie immer alles gross und noo grösser. Sie isch nonig vertig, aber gseht doch schoo noch was us. Es macht mega Spass mit de Kids soo was baue. So bald die Burg vertig isch, werdi denn glaub äs Föteli mache ;-)

liebi Grüäss und bis bald

Imi