I han mich mega gfreut, dass soo viel Lüüt min Blog glese hend. Wow fühl mi sehr gehrt. Jetzt schriebi grad de 4 Blogg und es macht mir langsam Spass.
Chile
Jede Sunntig gönd mir alli zäme ine Chile. Eigentlich immer i die glich Chile. Dur da mir sehr viel werbig machet mönd fürs Adonia psuechet mir vieli Chilene, stellet dete s'ganze vor. Die Chile woo ich letschde Sunntig de Stuhel gschlisse han. Hend mir de Sunntig wieder psuecht. Sie hend än Veranstaltig gha und soo sind mir dete hii gange. Ihrgend wie hends ä Theater-Ballet Gruppe und de het denn zu Rockigem Worship (soo öppe wie ICF) Ballet dezue tanzt. Für mich hets hine und vorne nöd dezue passt, ich kenn das eifach nöd. Aber noch längerem Zueluege hets mir ahgfage gfalle. Wäred de Predigt hani mis Buech usegnoh und wiitergleset. Uf eimol stupft mich öpis. I luege und doo uf eimol lueget mich öppe 5 Kidsmeitli ah und lachet und tönt soo als wär öpis mega Komisch. Sie quatschet mich uf Portugisisch voll und i han wie immer kei Wort verstande. Denn frog die einti was voo Foti und soo und denn hani fach Jooo gseit. Dur das ich sie nöd verstande han, hani d'eva gfroget öp sie mir chan helfe. Sie hend nochem Name gfroget und voo woo mir sind. Und öps törfet Föteli mache. d'Eva het denn chli mit dene gredet und sie hend gseit; Sie seget soo nervös wells no nie soo Mensche wie üs gshe hend ;-). Also kei Braselianer und schoo gar nöd Mensche mit Rote Hoore oder blaue Auge ;-). Nochem Gottesdienst isch denn die "Horde" Kids choo und het fotene voo üs gmacht. Also besser gseit vom Luca 5 und vo mir. De Luca het öppe Ohrlangi blondi Hoore und isch än Spassvogel. Mir zwei hend denn üs än Spass drus gmacht und hend üs Fötele loh. Also mues schoo ehrlich sege es isch mir au chlii peinlich gsie. Aber was macht mer doch nöd alles. De Dan 9 het sich denn devoo gschliche und sich im Bus versteckt. Mol luege ihrgend woo findi villicht noo äs Föteli.
Ficher
Also dooo ich immer vo dene Ficher red heni doo paar Bildlie wo seinte oder ander Erkläret. Das alles sind Ficher die sich i mim Zimmer ihgnästet hend. Mues sege sie hend guet gschmöckt ;-) aber au nöd lang überlebt.
Homework
Für Häberlis isches au neu, dass öpper doo isch, de au chan mol Mithelfe und was mache. Generell isches mir egal was ich mach. Dur da mir jetzt a gwüsse bereiche meh Platzbruchet und das nöd hend, mönd mir üs was ihfalle loh. So het de Andreas hüüt sganze Büro umgstellt, dass es meh Platz git. Soo hani ab sofort min eigene Arbetspaltz und chan doo wüäte mit de Filmerei. De Dan het möse sin Playmobil-Tisch opfere fürs Büro. So hani hüüt mit ihm ä neue Tischplatte gschliffe und gmolet und bald het er wieder än Tisch zum Spiele.
Wies soo sich goht immer mol was kaputt. Soo hani doo noo wieteri Ufgobene bechoo zum Repariere oder verbessere. Wie zum Bispiel Kühlschrank got nümme richtig zue, Wäschmaschinefuess isch ihrgend wie abgheit, än Deckel bastel fürs Terarium und und und es het immer öpis. Es isch mega wichtig, dass das alles lauft. Well denn freuet sich au anderi do drüber.
De Luca 4i het gseh, dass ich än Holzklotz abgseget han. Soo het er die cool Idee gha, er chönt Bauchlözli mache. Das heisst de Imi schniedes ab und er molts denn ah. De Luci isch mit de Segi und em Stückholz zu mir choo und het gfroget. Do chani notürlich nöd nei sege. Nochem erste Stückli isch mir de Schweiss abegloffe soo usem Prinzig (öffnet die Schleussen), well es isch hüt ca. 35° im Schatte gsie. Er möcht, dass ich jede Tag 4 Stückli mach bis ich gang. Also bis am Schluss wäred das denn öppe 1400 Chlözli. I hoff das Holz bald usgot ;-). Da Holz doo isch mega mega hard und es heisst "Holz der Arche" han vorher no nie soo hards Holz gseh oder bessergseit bearbeitet. Jenu bis jetzt het er schoo 10 Stückli und de Jungbueb het mega freud und das isch swichtigste.
Gequitsche
Es de 27. Dezemerb 2010 gsie öppe um 23.00. Vor de Bürertüür quitscht üsi wiis Chaz. Mir wirds halbe schlecht und sie stört mich bim schiebe. Man die söll mol ruhig sie, sie stresst mich. Das quitsche töönt soo als wäs sie i de Tüüt ihklemmt. Quitsche und miaue und quitsche und miaue i chum nöd drus was die macht. Jetzt halti da nümme us i verjag sie jetzt!!! Mach Türe of und "Jöööööööööööööööhhhhhhhhh" sie luegt mich mit grosse auge ah, Miaut und Quitschd. Sie het zwei Jungi gebore. Soo cool. Also stell dir ä wissi Chatz vor und vor ihre liget zwei Jungi äs Tigerli und ä dunkels ;-) i han mich sehr gfreut für die Chatz und au hani mir slache möse verkneufe. Mir hend denn Bürotüre ufgmacht und sie het doo im Büro denn noo zwei wiiteri Chäzli gebore. So das wärs mol gsie i wünsch eu än mega guete Rutsch und bis zum nöchste mol.
liebi Grüäss Imi
Keine Kommentare:
Kommentar veröffentlichen